Pehle risk. Baaki baad mein.
Zyadatar websites risk aakhir mein chhoti print mein likhte hain. Hum shuru mein likh rahe hain, kyunki yahi sabse zaroori cheez hai.
Yeh padhe bina aage mat badhiye
- Poora paisa doob sakta hai. Utna hi lagayein jitna gawa kar bhi aapki zindagi na rukey.
- Nikalna aasaan nahi. Share bechne ke liye khareedar chahiye. Kab milega, koi guarantee nahi.
- Koi return promise nahi. Na humare taraf se, na kisi aur ke taraf se.
- Humara koi track record nahi hai. Abhi tak ek bhi exit nahi hua. Aap shuruaat mein aa rahe hain.
- Paas hone ka matlab safe nahi. Aap business dekh sakte hain, isse information behtar hoti hai — risk kam nahi hota.
Deal website par kyun nahi dikhti?
Kyunki dikhana us company ke liye illegal hoga jo paisa utha rahi hai. Private placement sirf naam le kar, chune hue logon ko offer kiya ja sakta hai. Public mein daal diya to woh "public issue" ban jaata hai aur company phas jaati hai.
Isiliye pehle registration, phir KYC, uske baad hi aapko koi specific opportunity dikhti hai.
Abhi ke liye.
Rasta 1 — Syndicate
Koi special certificate nahi chahiye. Bas KYC aur ek specific offer ka invitation.
Rasta 2 — Angel Fund
Sirf SEBI "Accredited Investor". Uske liye ₹2 crore income, ya ₹7.5 crore net worth, ya ₹1 crore income + ₹5 crore net worth chahiye. Yeh fund abhi registered nahi hai.
Rasta 3 — Social Finance
₹1,000 se. Par yaad rahe — usme paisa wapas nahi aata. Yahan padhiye
Ek sawaal jo aapko poochhna chahiye: agar itna risk hai to karein hi kyun? Jawaab — yahi risk hai jiski wajah se in businesses ko paisa nahi milta. Jo log samajh kar, apni limit mein lagate hain, unke liye yeh hai. Jise safe return chahiye, unke liye nahi hai, aur hum saaf keh denge.
Interest register kijiye.
Isse aap kuch khareed nahi rahe. Na koi offer ho raha hai, na koi obligation.
Legal pages English mein hain. Privacy notice, Terms aur Compliance — wahan ek-ek shabd ka legal matlab hota hai, isliye unhe translate nahi kiya. Kuch samajh na aaye to FAQ dekhiye ya humein poochh lijiye.